यायावर काफ्ले (मदन)का दुई कविता

 

हा ! कठै मेरो देश

नेपाली आमा दुई हात फैलाउँदैे चिच्याइरहेकी छिन् । सामन्तिहरुले सत्ताको लोभमा नेपाल आमामाथि गरेको अत्याचार ।

हा ! कठै मेरी आमा अति सहन योग्य हुन्छ, तर अत्याचारले सिमा नाघेपछि खै भन्न सकिन्न के हुन्छ अब । आफ्नै थैलो र घैटो भर्दै, देशलाई टुक्रा टुक्रा पारेर विदेशीलाई पार्सल पठाइरहेछन् सत्ताधारीहरुले, आफ्नै दिदीबहिनीको अस्मिता लुटिरहेछन् बलात्कारीहरुले । छिमेकीको चाकडी गर्दा गर्दै आफ्नो लुङ्गी फुस्केको पत्तो छैन यिनको जन्मथलो सत्ता हो, धन हो सम्पत्ति हो । तर नेपाली आमा हैन, नेपाल हैन । हा ! कठै मेरो देश, आज अनेकौ समस्याले पेलिरहेको छ , अभावले विदेशतिर ठेलीरहेको छ कतै डाँडामा मनको भारी बिसाउँदै , विदेशको उकालो यात्रा गर्न बाध्य मेरा देशका युवावर्ग, दु:ख पीडा अभावको थैलो रित्याउन विदेश पसेका थिए तर, संयोग तिनै थैलामा दु:ख पीडा अभाव नै बोकेर नेपाली आमाको अगाडि लाचार , कुपुत्र भएर उभिरहेका छन् । लाचार र अभावले थलिएकी मेरी नेपाली आमाको थैलीमा आज के चै छैन ..? असन्तोष छैन कि..?

अशान्ति छैन कि ..?

बेरोजगार छैन कि ..?

के चै छैन ..? छ त केवल दु:ख छ, पीडा छ, अभाव छ दबाब छ, भ्रष्ट नेतृत्व छ देखावटी छ, भ्रष्टाचार छ । आज अस्ताउन लागेको सूर्यको गति झै, गोधूलि अवस्थामा धुम्मिएर बसेको देशले, विकास चाहन्छ समृद्धि चाहन्छ , शान्ति चाहन्छ, नव ज्योति चाहन्छ , गोधूलिबाट अब उज्यालो तर्फ बढ्ने प्रयास गर्दै गर्दा साँझ पर्छ अन्धकार हुन्छ, अहो आज त ओैँसी पो रहेछ केही नदेखिने निस्पट्टै अन्धकार पो हुन्छ त । यो अन्धकार युवाको भविष्यमा भएको छ चेलीबेटीको अस्मितामाथि भएको छ देशको परिस्थितिमा भएको छ संस्कार संस्कृति समाजमा भएको छ शिक्षामा भएको छ हा ! कठै मेरो देश यो अन्धकार नेपाली आमाको कोखमा भएको छ अन्तत: यो अन्धकार कविको कलमा भएको छ ।

*****************

यात्री

खै कसरी भनुँ म ? मेरो अवस्था ठिक छ कि छैन भनेर....? जिन्दगीको हरेक मोडबाट बिरक्तिदैँ र रमाउँदै जीवनको यथार्थ भाव खोज्दै हिडेको एक यायावर हुँ म । कहिले थोरै थकान, थोरै तनाव, थोरै खुसी, थोरै मिठासका साथ आमाबुबाको सपना म प्रतिको भरोसा मेरो आस, साथमा लिएर सकी नसकी शिखरको उचाइमा पुग्ने झिनो आसका साथ फेदीबाट घिस्रिदै गरेको एक यात्री हुँ म । जीवनको यात्रा गर्ने एक अधकल्चो यात्री जहाँ छुट्टिदै जोडिदैँ गरेका साथीका साथमा तितो यथार्थ दिलाउने प्यारा शत्रुको साथमा मिठासमा निम मिसाउने आफन्तका माझमा जोगिदैं र हरेक ठाउँमा ठोकिदैं यात्रा गर्ने यात्री हुँ म । -काभ्रेपलान्चोक, हालः काठमाडौँ

यस स्तम्भमा आफ्नो रचना पठाउनका लागि  
trichandra.shrestha@gmail.com