पृथक प्रकृतिको कविता

 

काठमाडौँ

-पृथक प्रकृति

फेरि दोहोर मान्छेका हुल
अनि गाडीहरु यसर्थ
कोलाहल वातावरण
ओ ! काठमाडौँ
तिमी कति सहनशील छौ
दिनहुँ तिमीलाई कुल्चिएर
आ-आफ्नो काममा कुद्ने मान्छेहरू
नजरअन्दाज गर्छन् तिम्रो कोमल हृदय 

अनि ;  
तिम्रो खुल्ला आँचल
देखाउँदैनौ तिमीले आफ्नो पीडा
चाडबाडमा आउनुपर्छ
कुनै महामारी आउनुपर्छ

अनिमात्र
शान्त हुन्छ सडकदेखि मन्दिर, चोक
बजार, गल्ली, कुनैपनि कार्यालय
अस्पताल, संघ-संस्था, स्कूल, कलेजहरू
अलिकति भएपनि खुलेर सास फेर्न पाउँछौ

हाम्रो राजधानी काठमाडौँ
विभिन्न उद्देश्य बोकेर जाने हामी
धन्न बोझ ठान्छ/धान्छ
हेर्नमात्र होइन तिमीलाई भेट्न
चाहन्छ धेरैले
तिम्रै भरमा बाँच्न पनि
हजारौं लाखौं अटाएको छ
आश्रय दिएको छ
चौतारी भएका छौ
र त नी प्रिय छौ
सबैको साझा घर पनि
जिउने आधार पनि ।

-झापा