‘स्वास्थ्यलाई फाइदा पुर्याउने अथवा सृष्टिको निरन्तरताको सम्भावनालाई अधिक
तुल्याउने महत्त्वपूर्ण तरिका भनेको शाकाहारी भोजन हो’- अल्बर्ट आइन्सटाइन
एडोल्फ हिटलर
शाकाहारी राजनीतिज्ञहरूको चर्चा गर्दा सबैभन्दा अगाडि आउने नाम हो, जर्मन तानाशाह एडोल्फ हिटलर । हिंसाको प्रतीक बन्न पुगेका हिटलरको भोजनमा मासु तथा मासुजन्य पदार्थ वर्जित थियो ।
शाकाहारी राजनीतिज्ञहरूको चर्चा गर्दा सबैभन्दा अगाडि आउने नाम हो, जर्मन तानाशाह एडोल्फ हिटलर । हिंसाको प्रतीक बन्न पुगेका हिटलरको भोजनमा मासु तथा मासुजन्य पदार्थ वर्जित थियो ।
सम्यक भोजनको पक्षमा थिए, हिटलर । मासुबाहेक उनी तामसिक मानिने कुनै
पनि खाद्य खाँदैनथे । जीवनमा उनले एकपटक मात्र
चुरोट र रक्सी सेवन गरे,
बाल्यकालमा स्कुलबाट निकालिएको खुसियालीमा ।
त्यसपछि उनले नशालु पदार्थको सेवन कहिल्यै गरेनन् ।
शाकाहारी हिटलर जनावरलाई अत्यन्त माया गर्थे
। पशुवध नगरौँ भनेर उनले पटकपटक सचेतना
र्याली निकालेका थिए । पशुअधिकारको पक्षमा वकालत गर्ने पहिलो नेता हुन्, उनी । शाकाहारी भोजनले बल, वुद्धि, आरोग्य र शान्ति बढ्छ भन्नेमा उनी विश्वास गर्थे । उनी चकलेटका ठूला पारखी थिए ।
अल्बर्ट आइन्सटाइन
अल्बर्ट आइन्सटाइन अहिलेसम्मकै बुद्धिमान्
व्यक्ति मानिन्छन् । ई बराबर एमसी स्क्वायर फर्मुला प्रतिपादन गरेर भौतिकशास्त्रमा ठूलो क्रान्ति ल्याइदिएका उनी जीवनको उत्तराद्र्धतिर
शाकाहारी भोजनतर्फ आकर्षित भएका थिए ।
मांसाहार गर्दाताका पनि आफ्नो मन शाकाहारी नै
भएको महसुस आफूलाई भएको उनले एक समय बताएका थिए । एक मित्रलाई लेखेको चिठीमा उनले भनेका थिए, ‘मासु खाँदा जहिल्यै पनि मलाई पापबोध हुने गथ्र्यो । पापबोध गर्दै मासु खानु नमज्जा हुन्थ्यो । अन्त्यमा मासु खानै
छोडिदिएँ ।’
शाकाहारी भोजनको पक्षमा आइन्सटाइनका भनाइलाई
शाकाहारी भोजनको पक्षमा आवाज उठाउनेहरूले गुरुमन्त्र मान्ने गरेका छन् । ‘स्वास्थ्यलाई फाइदा पुर्याउने अथवा सृष्टिको निरन्तरताको सम्भावनालाई अधिक तुल्याउने महत्त्वपूर्ण तरिका भनेको शाकाहारी भोजन हो,’ एउटा सन्दर्भमा आइन्सटाइनले भनेका थिए । शाकाहारी भोजनमा प्रसन्नता र शान्ति निहित
हुने उनको भनाइ थियो ।
बिल क्लिन्टन
अमेरिकी पूर्वराष्ट्रपति बिल क्लिन्टन सन्
२०१० पछि शाकाहारी बनेका हुन् । उनले त्यसयता मासु मात्र नभई दुग्ध परिकार खान पनि ठ्याम्मै छोडिदिएका छन् ।
सन् २००४ मा शल्यक्रिया गरेपछि मासुले स्वास्थ्यलाई
राम्रो गर्दैनरहेछ भन्ने उनलाई परेको थियो । अहिले उनी मांसाहार
त्याग्न प्रेरित गर्ने अभियन्ता बनेका
छन् । शाकाहारी भोजनले मानिसलाई दीर्घजीवी बनाउँछ भन्ने उनको मान्यता छ ।
‘म हजुरबुबा भइन्जेलसम्म बाँच्न चाहन्छु ।
नातिनातिनाको औँला समाएर घुम्ने मेरो इच्छा छ । शाकाहारी भोजनले मेरो यस्तो इच्छा पूरा गर्ने देखेपछि मैले मांसाहार त्यागेको हुँ,’ उनी भन्छन् ।
अहिले उनी तरकारी, फलफूल, गेडागुडी सकेसम्म बढी मात्रामा खाने गर्छन् । चिज, दूधलगायत दुग्ध परिकार र माछा खान उनले छोडिदिएका छन् । विशुद्ध शाकाहारी भोजन गरेयता स्वास्थ्यमा राम्रो
सुधार आएको उनी बताउँछन् ।
‘रक्तपरीक्षण गर्दा सबै ठिकठाक देखिएको छ ।
मांसाहार गर्दाभन्दा अहिले मैले आफूलाई बलियो महसुस गरेको छु,’ उनी भन्छन् ।
माइक टाइसन
शाकाहारी भोजन गर्ने खेलाडीको कुरा गर्दा
सबैभन्दा पहिले आउने नाम हो, माइक टाइसन । अमेरिकाका रिटायर्ड बक्सर उनी
संसारकै बलिया मानिसमा गनिन्छन् । बक्सिङमा उनले पटकपटक विश्व कीर्तिमान् कायम गरेका छन् ।
सन् २०१० यता उनी शाकाहारी बनेका हुन् । ४८
वर्षीय उनी शाकाहारी भोजनले आफ्नो जीवन पूरै बदलिदिएको बताउँछन् । एक समय आफू लागू औषधको अम्मली भएको र लागू औषध छोड्नुपर्छ भन्ने महसुस भएपछि आफू
शाकाहारी बनेको उनी बताउँछन् ।
‘लागू औषधका कारण एकपटक म पूरै जीर्ण भइसकेको
थिएँ । सास फेर्न पनि गाह्रो हुने अवस्था आइसकेको थियो । उच्च रक्तचापले मलाई च्याप्यो । त्यसपछि मैले जीवनमा आमूल परिवर्तन गर्नुपर्छ भन्ने महसुस
गरेँ । त्यसपछि मैले मांसाहारलगायत
गलत लागेका बानीलाई सदाका लागि त्यागिदिएँ,’ उनी भन्छन् । चार वर्षीया छोरीको असामयिक निधनले पनि
आफूलाई शाकाहारी भोजनतर्फ डोहोर्याएको उनी बताउँछन् । ‘अहिले म फिट एन्ड फाइन छु । स्वास्थ्य एकदम राम्रो छ । मेरो जीवन पूरै बदलिएको छ । म
लागू औषध सेवन गर्दिनँ । पहिलेजस्तो
सडकमा विनाकाम हल्लिदिनँ । क्लब जाँदिनँ र माछामासु खादिनँ,’ उनी भन्छन् ।
अमिताभ बच्चन
बलिउड अभिनेता अमिताभ बच्चन शाकाहारी हुन् ।
कुनै समय आफूले मांसाहार गर्ने गरे पनि पछि शाकाहारी बनेको उनी बताउँछन् ।
‘धर्म अथवा स्वास्थ्यका लागि मैले मांसाहार
त्यागेको होइनँ,
मासु खान त्यसै मन लागेन र छोडिदिएँ,’ उनी भन्छन् । शाकाहारी खाना उनलाई असाध्यै
मिठो लाग्छ । ‘शाकाहारी खानाको म पारखी हुँ । चाइनिज र इटालियन भेजिटेरियन फुडको पनि म प्रशंसक हुँ,’ उनी भन्छन् ।
पशुअधिकारका पक्षमा अभियान सञ्चालन गर्दै
आएको अन्तर्राष्ट्रिय संस्था पेटाले सन् २०१३ मा अमिताभ र अभिनेत्री विद्या बालनलाई बलिउडका कामुक शाकाहारी कलाकारको उपाधि दिएको थियो । पेटाले
गरेको सर्वेक्षणका आधारमा अभिताभलाई बलिउडको मात्र नभई एसियाकै कामुक शाकाहारी पुरुषको उपाधि दिइएको थियो । अमिताभ र विद्याबाहेक बलिउडका हेमा
मालिनी,
करिना कपुर, जोन अब्राहम, महिमा चौधरी,
मल्लिका सेरावत आदि कलाकार पनि शाकाहारी हुन्
।
No comments:
Post a Comment