मन्दिरै-मन्दिरको शहर पालिताना |
भारत- सैयौँ वर्षदेखि जैन धर्मालम्वीहरु
गुजरात प्रान्तको पालिताना नामको शान्त शहरप्रति आकर्षित छन् । शत्रुन्जय
पहाड श्रृंखलाको निकट रहेको यो शहरमा असंख्य पवित्र मन्दिरहरु छन् । भनाई छ
कि जैन धर्मालम्वीहरुले जीवनमा कमसेकम एकपटक यो पवित्र तिर्थस्थलमा पुग्नै
पर्दछ । जैन हिन्दु सम्प्रदायकै एक अर्को सहसमुदाय हो । पछिल्लो केही
समयदेखी यो पवित्र ठाउँ शाकाहारको विषयलाई लिएर चर्चामा छ । जैन साधुहरुले
आफ्नो पवित्र धार्मिक रहेको शहरलाई पुर्णरुपमा शाकाहारी बनाइनु पर्ने
भन्दै भोक हड्ताल गरेपछि यो शहर चर्चामा आएको हो ।
पालिताना शहरलाई पुर्णरुपमा शाकाहारी घोषणा
नगरिए आफुहरुले ज्यान फाल्ने भन्दै २०० जना जैन साधुहरुले भोक हड्ताल शुरु
गरेका थिए । साधुहरुको मत छ कि अण्डा समेतलाई पालितानामा बेचिनु हुन्न ।
सबै खालका पशुबलिहरु शहरमा प्रतिवन्धित हुनुपर्छ । स्थानिय
राजनितीकर्मीहरुले अब बन्ने स्थानिय कानुनमा पालितानालाई पुर्णरुपमा
शाकाहारी शहर बनाउने कुराको ग्यारेण्टी दिएपछि साधुहरुले भोक हड्ताल स्थगित
गरेका छन् । यदि त्यसो नभएमा शहरमा रहने सबै स्थानियहरु आमरण अनशनमा बस्ने
जैन साधुहरुले बताएका छन् ।
‘प्रत्येक सम्प्रदायको आफ्नो पवित्र स्थल
हुन्छ । हाम्रो प्रमुख पवित्र स्थल यही हो ।’ हिंसामुक्त पालितानको नेतृत्व
गरेका साधु विराग सागर महाराजले बताए । उनले भने, ‘सबै धर्मले हिंसालाई
निषेध गरेको छ । पछिपछि आएका कपटी धर्मगुरुहरुले गर्दा सबै धर्महरुमा
मांशआहार र बलिजस्तो प्रथा ल्याइयो । यो सर्वथा गलत छ । हामी हाम्रो पवित्र
शहरलाई हिंसामुक्त बनाएरै छाड्छौँ ।’
जैन भारतको पुरानो धर्म हो । अहिले पनि भारतमा ५० लाख जैन
मतालम्वी छन् । जैनको मुख्य मन्त्र अहिंसाहि परमोधर्म अर्थात अहिंसा नै परम
धर्म हो ।
भारतमा, जैनहरुमा अरु धर्म मान्नेहरुको भन्दा शिक्षाको दर
सबैभन्दा बढी छ । जैन मतालम्बीहरु एकदमै सफल व्यापारीहरु छन् ।
अधिकारीहरुका अनुसार यहाँ मुस्लिम सम्प्रदायको संख्या २० देखि २५ सम्म छ र
जैनहरुको शाकाहारी भोजनको मागका कारण उनीहरु रुष्ट छन् । हाम्रो त धर्म नाश हुन्छ पशुबलि नदिए, बलि नदिए र मासु नखाए त हामी मुश्लिम न रहँदैनौँ ।
मुश्लिम संघ पालितानका अध्यक्ष रजाक इश्लामी शयिदले बताए ।
जैन धर्मालम्वीहरुले यो शहरलाई हिंशामुक्त
बनाउन वर्षौँदेखी पहल गर्दै आएका हुन् । उनीहरुले स्थानिय होटल तथा
रेष्टुरेण्टहरुलाई अतिरिक्त आर्थिक सहयोग गरेर समेत मासुजन्य पदार्थ नबेच्न
आग्रह गर्दै आएका छन् । कतिपय मुश्लिमहरुले समेत जैनको आर्थिक सहयोग पाएर
आफ्नो पेशा परिवर्तन गरेका छन् । उसो त यहाँका कतिपय मुश्लिम सम्प्रदायका
व्यक्तिहरु पनि शाकाहारी जीवन अपनाउने छन् ।
साभार: द ईण्डिपेन्डेण्टबाट
साभार: द ईण्डिपेन्डेण्टबाट
No comments:
Post a Comment