इतिहास नपढेको कि डलरमा बिकेको ?: थापा

मिडियाप्रति आक्रोस

मिडियाप्रति आक्रोस
राप्रपा नेपालका अध्यक्ष कमल थापाले धर्म निरपेक्ष राज्य घोषणा गर्नेहरुले धर्मको राजनीति गरेको आरोप लगाएका छन् ।

मिडियाप्रति आक्रोशित

 
रथयात्राको १८ पुसमा काठमाडौंको खुल्लामञ्चमा समापन गर्दै थापाले जनताको भोट र क्रान्तिबाट नभई विदेशीको इसारामा देशलाई धर्म निरपेक्ष घोषणा गरिएको बताए । उनले भने, ‘‘हामीलाई धर्मको राजनीति गरेको आरोप लगाउनेहरुले विश्वको इतिहास नपढेको कि डलरको बन्धनमा बाँधिएको हो ?’’
थापाले संसारका ७० देश इसाई, ४० देश इस्लाम सापेक्ष भएको र १ अर्व ८ करोड जनताले मान्ने हिन्दू धर्म सापेक्ष राष्ट्र नेपाल बनाउन नदिनेहरुले धर्मको राजनीति गरिरहेको आरोप लगाए ।
तेस्रो जनआन्दोलन घाेषणा 
अध्यक्ष थापाले अव तेस्रो जनआन्दोलन शुरु भएको बताएका छन् । जनताले चाहेको परिवर्तनको सम्वाहक राप्रपा नेपाल भएकाले अव तेस्रो जनआन्दोलन शुरु भएको बताए ।
हिन्दू राष्ट्र नेपाललाई जनताले अनुमोदन गरिसकेकाले अव कसैले रोक्न नसक्ने बताए ।
मिडियाप्रति आक्रोस
रथयात्रा समापन मन्तव्यमा अध्यक्ष थापाले नेपाली सञ्चार माध्यमको मन आफुहरुले जित्न नसकेको बताएका छन् ।
उनले भने, ‘‘हाम्रो समाचार नलेख्ने, अत्यन्तै कम लेख्नेहरुलाई पनि धन्यवाद । हामी एक दिन तपाईहरुको पनि मन जित्नेछौं ।’’ राप्रपा नेपाल सत्यको बाटोमा भएकाले ढिलो चाँडो मिडिया कभरेज आफुहरुले पाउने आशा व्यक्त गरे ।
मिडियाले आफ्नो रथयात्राको न्यूनीकरण गरेको आरोप लगाए ।
साभार: हिमाल खबार डट कम