एक
मैले ऐनामा अनुहार हेर्न छोडेको धेरै भयो
निधार ठोकिएको सिसाझै चर्केको धेरै भयो ।
कुन ओखती दिनुहुन्छ मलाई दिएर हेर्नुस् ?
हेर्दा घाउ देखिदैन छाती दुखेको धेरै भयो ।
रगतको नातामा जहरको सिसा भेटिएपछि
म आफ्नाहरुको भिडबाट छुटेको धेरै भयो ।
मेरो शरीर हेर्नेले पनि आँखामा हेर्न सकेन
परेली आँसुको डुबानमा परेको धेरै भयो ।
दुई
शरीर खाडीमा मन भत्केको घरमा डुल्दैछ
गन्तव्य भेट्छु भनेर गोडा सफरमा डुल्दैछ । मेरो सिउँदो खाली छैन भनेकै हुँ तिमीलाई जिस्किदैछ तिम्रो तस्बिर नजरमा डुल्दैछ ।
गन्तव्य भेट्छु भनेर गोडा सफरमा डुल्दैछ । मेरो सिउँदो खाली छैन भनेकै हुँ तिमीलाई जिस्किदैछ तिम्रो तस्बिर नजरमा डुल्दैछ ।
आमा जल्दा घाटमा नपुग्नु मेरो दुर्भाग्य हो
एउटा सुन्दर फूल पुगेर पत्थरमा डुल्दैछ ।
दु:खले बिर्सनै सकेन सम्झेर आउँछ घरिघरि
खुसीले बिर्सेर गयो खुसीकै शहरमा डुल्दैछ ।
रहरहरुलाई बाध्यताले बन्धी बनाइदियो
बदमास आँखा बजार पुग्ने चक्करमा डुल्दैछ ।
तीन
मान्छेलाई बुझ्न सकिदैन हतार गरेर 
बरु बजार छिट्टै बुझिन्छ ब्यापार गरेर ।
थाकिसकेछन् हिजो मेरो गुन गाउनेहरू
ऐना कहिल्यै थाकेन रुपको प्रचार गरेर ।
मलामी पाउन मुस्किल छ गरिबहरूले
मर्न मन छ चिता आफैंले तयार गरेर ।
म पनि कुनै समय घृणा गर्थें तिमीलाई
हिड्दैछु आज तिम्रो प्रेम साभार गरेर ।
कि मैदान छोड कि हिम्मत बोकेर आऊ
युद्ध लड्न सक्दैनौ मन दोधार गरेर ।
-सुन्दर हरैंचा मोरङ
No comments:
Post a Comment