नयाँ वर्षको यो सुखद् अवसरमा कविता संसार परिवार सम्पूर्ण पाठक, स्रष्टा, समीक्षक र शुभेच्छुकहरूलाई हार्दिक शुभकामना व्यक्त गर्दछ । समयको निरन्तर बहावमा एउटा अध्याय समाप्त भई अर्को नयाँ अध्याय प्रारम्भ भएको छ—यो केवल पात्रोको फेरबदल मात्र होइन, सृजनात्मक आत्मालोचनाको अवसर पनि हो ।
गत वर्षभरि कविता संसारले नेपाली कविता, साहित्य र सृजनात्मक चिन्तनका विविध पाटोलाई उजागर गर्ने प्रयास गर्यो । नयाँ स्रष्टाहरूको उत्साह र पुराना श्रष्टाहरूको अनुभवको संगम हामीले नियाल्यौं । यी सबै यात्राका साक्षी हुनु हामी सबैका लागि सौभाग्यको कुरा हो ।
नयाँ वर्ष २०८२ को यो प्रारम्भिक क्षणमा हामी प्रतिबद्ध छौं—साहित्यिक चेतनाको बत्ती अझ प्रज्ज्वलित पार्ने, विचारको गहिराइमा डुबुल्की मार्ने, र कविता–साहित्यको नयाँ धरातलमा पाइला टेक्ने । हाम्रो यो यात्रामा तपाईंहरूको साथ, विश्वास र सुझाव सधैं प्रेरणाको स्रोत बनेको छ ।
कविता संसार केवल पत्रिका मात्र होइन, यो एउटा साझा मञ्च हो—जहाँ विचारहरू जुर्दछ, शब्दहरूले स्पन्दन पाउँदछ र सिर्जनात्मकता निरन्तर गतिमा रहन्छ ।
नयाँ वर्ष हामी सबैका लागि स्वास्थ्य, सृजनशीलता र समृद्धिको होस् भन्ने कामनाका साथ—हामी फेरि एकपटक कविता र कलाको यात्रामा लागिरहेका छौं ।
अङ्क २० पढ्न र डाउनलोड गर्नका लागि
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment