आज लघुकथा संसार अनलाइन पत्रिका आफ्नो यात्राको दुई वर्ष पूरा गर्दैछ । यो छोटो समयको यात्रामा हामीले जुन साथ, माया र विश्वास प्राप्त गर्यौं—त्यसले हामीलाई निरन्तर अगाडि बढ्ने प्रेरणा दिएको छ ।
लघुकथा साहित्यको संवद्र्धन र विस्तारका लागि सुरु गरिएको यो अनलाइन यात्राले अहिले आफ्नै पहिचान बनाएको छ । लघुकथाकारहरू, साहित्यप्रेमी पाठकहरू, समीक्षकहरू र विभिन्न सृजनशील मनहरूबाट प्राप्त सहयोग, सुझाव र सक्रिय सहभागिताले हाम्रो यात्रा सार्थक हुँदै गएको छ ।
यी दुई वर्षमा सयौं स्रष्टाका मौलिक लघुकथा, यससँग सम्बन्धित विचार र समालोचनात्मक सामग्रीहरू प्रस्तुत गर्न पायौं । यो अवसरमा हामी विशेष धन्यवाद दिन चाहन्छौं—हाम्रा नियमित पाठकहरूलाई, जसले हरेक सामग्रीलाई समय दिएर पढ्नुभयो, प्रतिक्रियामार्फत हौसला दिनुभयो । साथै, हाम्रा स्रष्टा मित्रहरू र विशेष सहयोगीहरूप्रति हामी हार्दिक कृतज्ञता प्रकट गर्न चाहन्छौं, जसको निःस्वार्थ साथबिना यो यात्रा सम्भव हुने थिएन ।
आगामी दिनहरूमा पनि लघुकथा संसारले अझ गुणस्तरीय र विविध सामग्रीहरू प्रस्तुत गर्दै लघुकथालाई नयाँ उचाइमा पुर्याउने प्रयास जारी राख्नेछ ।
साहित्यको यो यात्रामा हामीसँगै हुनुहुन्छ भने—त्यो नै हाम्रो सबभन्दा ठूलो उपलब्धि हो ।
धन्यवाद !
अङ्क २३ पढ्न र डाउनलोड गर्नका लागि
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment