साहित्य अभिव्यक्तिको एउटा शक्तिशाली माध्यम हो । जसले समाजको चित्रण मात्र गर्दैन, चेतना जागरणको काम पनि गर्छ । विशेष गरी लघुकथा त झन् कम शब्दमा ठूलो प्रभाव पार्ने विधा हो । जीवनका ती छोटा तर महत्वपूर्ण क्षणहरूलाई कलात्मक रूपमा प्रस्तुत गर्न लघुकथाले महत्वपूर्ण भूमिका खेल्छ ।
हाम्रा समाजका यथार्थहरू, मानवीय संवेदना, संस्कार र विविध अनुभवहरूलाई लघुकथाले समेट्ने प्रयास गर्छ । यसको सौन्दर्य भनेकै संक्षिप्ततामा रहेको छ—थोरै शब्दमा गहिरो प्रभाव छोड्ने क्षमता । बदलिँदो समयमा पाठकहरू लामो साहित्यिक लेख, कथा आदी पढ्ने भन्दा संक्षिप्त र सारगर्भित साहित्य खोजिरहेका छन् । यस्तो अवस्थामा लघुकथाले ठूलो भूमिका खेल्न सक्छ, खेलिरहेका छन् ।
लघुकथा संसार अनलाइन मासिक पत्रिकाले नेपाली लघुकथा साहित्यलाई प्रवद्र्धन गर्ने अभिप्रायले आफ्नो यात्रा अघि बढाइरहेको छ । प्रतिभाशाली लेखकहरूका उत्कृष्ट लघुकथा प्रकाशन गर्दै यस पत्रिकाले नेपाली साहित्यिक क्षेत्रमा नयाँ ऊर्जा भर्न चाहन्छ । नवोदितदेखि स्थापित स्रष्टासम्म सबैका सिर्जनाहरूलाई उचित स्थान दिने हाम्रो प्रयास छ ।
यस अंकका लघुकथाहरूले पाठकको मन छोला भन्ने आशा राख्दै, सबै सर्जकहरूलाई धन्यवाद दिन चाहन्छौं । तपाईंहरूको निरन्तर सहयोगले नै लघुकथा संसार पत्रिकालाई अझ बलियो र प्रभावशाली बनाउन सक्नेछ भन्ने आशा गरेका छौँ ।
अङ्क २२ पढ्न र डाउनलोड गर्नका लागि
जीवित राख्नका लागि तपाईंको
आर्थिक सहयोग महत्वपूर्ण हुन्छ ।
No comments:
Post a Comment