जेट एयरवेज बन्द हुँदा धरधर्ती रोए कर्मचारी, हेुर्नस् मनै छुने तस्बिरहरु

भारतीय विमान कम्पनी जेट एयरवेज लामो समयदेखि आर्थिक संकटमा परेपछि कम्पनीले आफ्ना सबै राष्ट्रिय तथा अन्तर्राष्ट्रिय उडानहरु रद्ध गरिसकेको छ । हाल यो एयरवेज बन्द भएको अवस्थामा छ । कम्पनी बन्द भएपछि त्यहाँ कार्यरत २२ हजार कर्मचारीहरु बेरोजगार बनेका छन् । भारतकै चर्चित एयरवेज आर्थिक संकटमा परेर बन्द भइराख्दा सरकारले कुनै पनि साथ र सहयोग नगरेको भन्दै आलोचना पनि भइरहेका छ । यता एयरवेजका कर्मचारीहरुले जेट एयरवेज र आफूहरुको भविष्य सुरक्षित गर्न आन्दोलन पनि गरिरहेका छन् । यसबीचमा एयर इन्डियाले जेट एयरवेजलाई साथ दिन अगाडी आएको छ ।

एयर इन्डियाले जेट एयरवेजका पाँच ठूला विमानलाई भाडामा दिन प्रस्ताव गरेको छ । सरकारी स्वामित्वमा रहेको एयर इन्डियाले यो प्रस्ताव जेटले आफ्ना सबै उडानहरु रद्ध गर्दा गरेको थियो । उसले जेट एयरवेजसँग लण्डन, दुबई र सिंगापुर जाने बोइंग ७७७ विमानलाई भाडामा लिन चाहेको बताएको छ । त्यतिमात्र होइन उसले जेट एयरवेजका १५० क्रु सदस्यलाई पनि अन्तर्राष्ट्रिय उडानका लागि राख्ने प्रस्ताव गरेको छ । यसबीचमा आन्दोलनरत कर्मचारीहरुले आफूले काम गरेको संस्थाको माया कति हुन्छ भनेर जेट एयरवेज कम्पनीका कर्मचारीहरुले देखाएका छन् ।

कम्पनी बन्द हुँदा जेटका अधिकांश कर्मचारीहरु धरधर्ती रोए । जुन तस्बिरहरु यतिबेला सामाजिक सञ्जालमा पनि निकै भाईरल बनिरहेका छन् । ती कर्मचारीहरुले आफूहरुले नपाएको पारिश्रमिक मागेका मात्र छैनन् जेट एयरवेजलाई पनि बचाउन माग गर्दै आन्दोलन गरिरहेका छन् । उनीहरुले आफ्नो कम्पनीप्रति देखाएको मायाको यतिबेला चौतर्फी प्रशंसा भइरहेको छ । यता जेट एयरवेजले भने आफूहरुले आर्थिक व्यवस्थापनका लागि काम गरिरहेको र चाँडै नै सेवामा फर्कने बताएको छ ।








साभारः कालिका एफएम