अमेरिका जान खोज्ने १० नेपाली मेक्सिकोमा पक्राउ

समाचार एजेन्सी रोयटर्सका अनुसार ९४ जना अवैधानिक आप्रवासीहरुलाई पक्राउ गर्ने क्रममा बन्द ट्रकभित्र कोचिएर अमेरिका जान लागेका १० जना नेपालीहरुलाई मेक्सिकोबाट प्रहरीले पक्राउ गरेको छ ।
मेक्सिकोको चियापास राज्यको टक्सट्ला गुटिरेजबाट उनीहरु पक्राउ परेको मेक्सिकोका अधिकारीहरुलाई उद्धृत गर्दै रोयटर्सले जनाएको छ । मंगलबार राती सीमा क्षेत्रमा प्रहरीले ट्रकको एक्स रे जाँच गर्दा त्यसभित्र मानिसहरु भएको भेटिएको थियो । ट्रकमा नेपाली र बंगलादेशी बाहेक ग्वाटेमाला, होण्डुरस, एल साल्भाडोरका नागरिकहरु समेत थिए ।
अधिकारीहरुका अनुसार उनीहरु ट्रकमा अत्यन्तै अमानवीय तरिकाले कोचिएका थिए । असहज अवस्थामा बन्द ट्रकभित्र कोचिएर यात्रा गर्दा उनीहरुको हात खुट्टामा चोट लागेको र धेरैलाई श्वास प्रश्वासमा समस्या भएको मेक्सिकोको नेसनल माइग्रेसन इन्स्टिच्युटले जनाएको छ ।
केही वर्ष यता बंगलादेश, नेपाल र श्रीलंकाका नागरिकहरु लु्किछिपी अमेरिका जाँदा पक्राउ पर्ने क्रम बढेको छ ।

बन्द ट्रकको एक्सरे मेशिनले जाँच गर्दा त्यसभित्र लुकेर  अमेरिका जाने
प्रयासमा रहेका नेपाली लगायतको एक्सरे तस्बीर । तस्बीर सभार: रोयटर्स

दलालहरुमार्फत यसरी लुकिछिपी अमेरिका जानेहरुले प्रतिव्यक्ति ८ हजार डलर सम्म तिर्ने गरेको पनि रोयटर्सले जनाएको छ ।
-Himalkhabar.com