नृत्यांगना तथा मोडेल इन्दुको म्यूजिक भिडियोको छायाँकन पुरा

-प्रतीक्षा श्रेष्ठ
जीवनको अभिन्न अङ्गको रुपमा लिने गरेको गीत÷संगीत, आजभोलि सुन्नका लागि मात्र नभै हेर्नका लागि म्यूजिक भिडियो बनाउने क्रम तिब्रता भएको पाइन्छ । यसै क्रममा यो साता पोखरेली संगीतकर्मीहरुको एक समूहले आफ्नो गीतमा काठमाडौँकी नृत्यांगना तथा मोडेल इन्दु शाहीलाई लिएर रमणियस्थल पोखराको फेवाताल लगायत अन्य स्थानमा छायाँकन गरी सम्पन्न गरेका छन् ।

म जिउँछु म जिउँछु, हाँसी खुशी म जिउँछु
कहिलेकाहीँ म पिउँछु, पिेएरै पनि जिउँछु ।

तिम्रै लागि नै मैले आँसु कति बगाएँ
तिमीलाई सम्झी सम्झी परेली नै बिझाएँ,
म जिउँछु म जिउँछु, रहरसँगै म जिउँछु
कहिलेकाहीँ म पिउँछु, पिएरै पनि जिउँछु ।

गजल लयमा आधारित यस गीतको शब्द रचना कृष्ण स्वर्गकारले गरेको हो भने मिठासपूर्ण स्वरवर्द्ध गगन स्वर्णकारको रहेका छन् यस्तै कृष्णभक्त राईले संगीतवर्द्ध गरेका छन् । प्रेम र विछोडबाट आउने तरंगलाई भुल्नका लागि सहाराको रुपमा आँसु र सोमरसलाई अँगाल्दै बाँच्न विवश एक घायलप्रेमीको जीवनसँग गाँसिएर लेखिएको यस गीतमा छायाँकन गरिएको छ ।

नृत्यांगना तथा मोडेल इन्दु शाही र कृष्ण स्वर्णकारको अभिनय रहेको यस गीतको म्यूजिक भिडियोको निर्देशन राज पटेलले गरेका छन् भने छायाँकन नविन के.सी.ले गरेका छन् । चाँडै नै यो गीतको भिडियो रिलिज हुने निर्देशक पटेलले भनेका छन् ।