-प्रतीक्षा श्रेष्ठ
भनिन्छ, कला, साहित्य र संगीतको कुनै जात, धर्म, वर्ण हुँदैन । कला सबैमा हुन्छ
। कसैसँग अभिनय गर्ने कला होला, कसैसँग नाँच्ने, कसैसँग गाउने त कसैसँग लेख्ने । प्रकृतिले
हरेकलाई कलाकार बनाएकी हुन्छिन् तर, सबै कलाकारका रुपमा भने बाहिर उजागर हुन पाउँदैन
। हरेकसँग हरेक कला हुन्छ, त्यसलाई निरन्तर साधनाको
अभावमा त्यसै मर्दछन् । आफूमा भएको सामान्य कलालाई निरन्तर साधनाबाट उत्कृष्ट
बनाउन सक्नु क्षमता हो । यस्तो क्षमता भने कमैसँग हुन्छ । त्यस्तै
कम अर्थात् गणना गर्न सकिने नेपाली नृत्य र अभिनय क्षेत्रका प्रतिभाशाली
व्यक्तित्व हुन्- इन्दु शाही ।
छोटो
समयमै स्टेज प्रोग्रामहरुमा नेवारी, नेपाली लगायत विभिन्न
भाषाभाषीको गीतहरुमा नृत्य गरेर कला क्षेत्रमा वाहवाही बटुलिसकेकी इन्दु शाहीले
केही सन्देशमूलक सर्ट मूभिहरुमा समेत अभिनय गरिसकेकी छिन् । कला क्षेत्रलाई पेशाको
रुपमा लैजानेक्रममा हालै म्यूजिक नेपालमा रेकर्ड भएको चन्द्रदेवी शाक्यको शब्द र संगीत
तथा भुपेन शाक्य र चन्द्रदेवी शाक्यको स्वरमा रहेको नेपाल भाषाको ‘‘केंलेहे नं मिखां स्वयाः
(छड्ने नजरले हेरेर मेरो मुटुमा आउने तिमी नै होइन र ?) बोलको गीति भिडियोको छायाँकनमा
कलाकार इन्दु शाहीको मुख्य भूमिका रहेको छ । भन्नैपर्दा गीति भिडियोमा पहिलो अभिनय भए पनि शसक्त अभिनय र नृत्य गरेकिछिन् ।
इन्दुको कलाकारिता यसमा बहुमूखी प्रतिभाका रुपमा देखा परेका छन् ।
प्रस्तुत
गीतको छायाँकन र सम्पादन शिरोम थापा, श्रृंगार प्रीति महर्जन, अभिनयमा इन्दु शाहीलाई साथ
दिने सनिस डंगोलले गरेका छन् भने गीतको निर्देशन उमा ताम्राकारले गरेका छन् ।
म्यूजिक
नेपाल प्रालि. ले उत्पादन गरेको उक्त गीतलाई युट्यूब मार्फत् हालै सार्वजनिक गरेको
छ ।
No comments:
Post a Comment