मेक्सिकोमा कुकुर तिहार

 

तिहारमा कुकुर पूजा गर्ने नेपाली परम्परालाई मेक्सिकोले सन् २०१६ देखि पछ्याउन शुरु गरेको हो। मेक्सिकोका पशुअधिकार समूहहरूको संयुक्त प्रयासमा राजधानी मेक्सिको सिटीमा यस वर्ष पनि कुकुर तिहार मनाइएको छ।

गत साता नेपालमा कुकुर तिहार मनाइएपछि मेक्सिको सिटीका नागरिकहरूले रिभोल्युसन स्क्वायर र पुअर्तो भयार्तामा आफ्ना कुकुर ल्याएर माला र अबिर लगाइदिए, नेपालमा जस्तै।

पशुहरूलाई सम्मान गरिने नेपाली परम्पराबाटै प्रेरित भएर सन् २०१६ देखि मेक्सिकोमा पनि यो पर्व मनाउन थालिएको आयोजकमध्ये एक एन्टिमियो माया बताउँछन् । मेक्सिकोमा पनि कुकुर तिहार नै भनिएको यो पर्वले मेक्सिकोमा विस्तारै लोकप्रियता हासिल गरिरहेको छ।

 

यो वर्ष पनि मेक्सिकोवासीहरुले आ-आफ्नो कुकुरलाई मेक्सिकोको रिभोल्युसन स्क्वायर र पुअर्तो भयार्तामा भेला गरेर कुकुर तिहार भव्यताका साथ मनाइयो ।