देशका ती यक्षप्रश्नहरु
समय बित्न धेरै दिन नलाग्ने रहेछ । दिन यसरी नै बितिरहेको छ।यसै बीच के कति हाम्रा इच्छा, चाहना र उद्देश्य पूरा भए वा भएन भन्ने मात्र हो । तैपनि बीच-बीचमा समय र परिस्थितिले ल्याइदिने कतिपय कुराहरु छन् । त्यसैले पनि त्यो पूरा हुन नसकिने अर्थात् समय लाग्ने हुन्छ । कतिपय अवस्थामा त्यसले निर्धारित लक्ष्य समात्न खोज्दाखोज्दै चिप्लिएर जान्छ ।
देशको हालत देखेर सबैजना रमिते बनेका छन् । यसले कहिले निकास पाउने हो? यो यक्षप्रश्नले बेला-बखत दोधारमा पारेको देखिन्छ । यति धेरै यक्षप्रश्नहरु छन् । यसको जवाफ कसैसँग होला जस्तो लाग्दैन । अब यस्ता प्रश्नका अनगिन्ती पहाडै-पहाड उभिएका छन् ।
देशबाट बाहिरिनेको सङ्ख्या बर्सेनि बढ्दो छ । जसले देशको नाजुक स्थितिको चित्रण गरिराखेको छ । यसको मूल जरा कहाँ छ, त्यो पत्ता लगाउन किन चुकिराखेका छौं । यसबारे थाहा हुँदाहुँदै पनि त्यतातिर ध्यान दिएको पाइँदैन । पहिले हाम्रा कमी कमजोरहरु पत्ता लगाएर समाधान गर्न किन सकेनौं । देश कसरी चलिराखेको छ । त्यतातिर सोच्ने पनि अब धेरै छैन होला, नत्र लथालिङ्ग भइराखेको देशको यस्तो विकराल परिस्थिति कसरी टुलुटुलु हेरेर बस्न सकेको हो?
अन्त्यमा, लघुकथा संसारले वर्षदिन पार गरेको छ । यो समस्त पाठकवर्गहरुको भरपुर माया र प्रेरणाले गर्दा हो । यो सफल हुनुमा हामी बीचको अटुट विश्वास एवं कामनाको प्रतिफलका रुपमा लिन सकिन्छ । यसरी आगामी दिनमा पनि तपाईंहरुको हौसला पाउने आशामा छु ।
अङ्क १२ पढ्न र डाउनलोड गर्नका लागि
